Ózbekstanda koronavırýsty juqtyrǵan 241 adam anyqtaldy
NUR-SULTAN. QazAqparat - Ózbekstanda koronavırýsty juqtyrǵan 241 adam anyqtaldy, dep habarlaıdy Memlekettik komıssııanyń shuǵyl shtaby.
Bir táýlik ishinde vırýsty juqtyrǵandar sany 14 adamǵa ósti.
Búgingi tańda atalǵan elde 30 naýryzdan 20 sáýirge deıin respýblıkanyń búkil áýejaılarynyń jumysy jáne barlyq áýe qatynasy túgel toqtatyldy. COVID-19-dyń taratylýyna baılanysty Ózbekstanda avtokólik qozǵalysy arnaıy ruqsat boıynsha ǵana júzege asyrylady. Oǵan qosa, 1 sáýirden bastap Tashkentte jáne óńirlerde ózin-ózi oqshaýlaý rejımi engizildi, 65 jastan asqan azamattarǵa úıden shyǵýǵa tyıym salynǵan.
