Ózbekstanda koronavırýstan jazylǵandar sany naýqastar sanynan asty
TAShKENT. QazAqparat - Ózbeksanda koronavırýstan saýyqqandar sany emdelip jatqandarǵa qaraǵanda artty, dep habarlaıdy QazAqparat ÓzA agenttigine silteme jasap.
Densaýlyq saqtaý mınıstrliginiń habarlaýynsha, 28 sáýirde vırýs juqtyrýdyń 35 faktisi tirkelgen. Sóıtip jalpy naýqasqa shaldyqqandar sany 1939 adamǵa jetken.
Bir táýlikte aýrýdan 100 adam emdelip, jalpy 992-ge jetip, búginge deıin 8 kisi kóz jumǵan.
Respýblıka boıynsha qazirgi ýaqytta aýrýhanada 939 naýqas em qabyldap jatyr.
