Ózbekstanda koronavırýspen aýyrǵandardyń arasynda Delta shtamyn juqtyrǵandar basym

TAShKENT. QazAqparat – Ózbekstanda COVID-19 juqtyrǵandardyń 80%-dan astamy Delta shtamyn juqtyrǵan, dep habarlaıdy QazAqparattyń menshikti tilshisi.

Ózbekstannyń Densaýlyq saqtaý mınıstrliginiń dereginshe, sońǵy ýaqytta COVID-19 juqtyrýdyń kóbeıýine delta shtamynyń taralýy sebep bolyp otyr.

«Respýblıkada búgingi kúni tirkelgen brıtandyq, ýhandyq jáne delta shtamdarynyń arasynda sońǵysynyń juqpalylyǵy joǵary jáne qalǵandaryna qaraǵanda qaýiptirek keledi. COVID-19-dyń osy shtamyn juqtyrǵandar sany kúnnen-kúnge artýda. Juqtyrý jaǵdaılarynyń ishinde delta shtamm naýqastardyń 82%-da, ýhandyq shtamm 10% jáne brıtandyq shtamm 8%-da anyqtalǵan», - dep málimdedi vedomstvodan.

Eske sala keteıik, Ózbekstannyń Densaýlyq saqtaý mınıstrliginiń statıstıkasyna sáıkes, sońǵy eki aptada eldegi koronavırýs juqtyrý sany eki ese artqan. Munda kúnine 427-den 924 adamǵa deıin vırýs juqtyrady. Bul – pandemııanyń basynan bergi eń joǵary kórsetkish. Odan bólek, kúndelikti kovıd pnevmonııasymen aýyrǵanda kóbeıýde, kúnine 500 adamnan kovıd pnevmonııasy anyqtalyp jatyr.

Avtory Mádıbek Jánibekov