Ózbekstanda koronavırýspen aýyrǵandar sany kúrt óse bastady
TAShKENT. QazAqparat – Ózbekstanda koronavırýspen aýyrǵandar sany sońǵy kúnderde kúrt óse bastady, dep habarlaıdy QazAqparat tilshisi eldiń densaýlyq saqtaý mınıstrliginiń baspasóz qyzmetine silteme jasap.
Ózbekstan Densaýlyq saqtaý mınıstrligi baspasóz qyzmetiniń Telegram-arnasy búgin jergilikti ýaqytpen 10:00-ge deıin (Nur-Sultan ýaqytymen 11:00) 139 adam indet juqtyrǵanyn rastady. Aýyrǵandardyń jalpy sany 44 myń 557-ge jetip otyr.
Sonyń 41 myń 898-i jazylyp shyqqan. Dál qazir elde 2 297 adam emdelip jatyr, olardyń 402-si aýyr jaǵdaıda, taǵy 226-sy hal ústinde jatyr.
Ózbekstanda keshe kúni boıy 443 adamnyń vırýs juqtyrǵany rastalǵan. Sonyń 132-si saǵat 10:00-ge deıin tirkelgen. Al 7 qyrkúıekte jalpy 312 jaǵdaı tirkelgen, sonyń 112-si tańǵy onǵa deıin anyqtalǵan.
