Ózbekstanda koronavırýspen aýyrǵandar sany 6 adamǵa jetti
TAShKENT. ÓzA – QazAqparat – Ózbekstanda taǵy 2 adamnan koronavırýs tabyldy, dep habarlaıdy QazAqparat tilshisi ÓzA agenttigine silteme jasap.
15 naýryz kúni Ózbekstannyń Vırýsologııa ǵylymı zertteý ınstıtýtynda 11 naýryz kúni Frantsııadan kelgen Ózbekstan azamatynan COVID-19 koronavırýsy tabylǵan bolatyn.
Keshe eldiń densaýlyq saqtaý mınıstrligi naýqastyń uly men qyzyna da vırýs juqqanyn rastaǵan.
Búgin Ózbekstannyń DSM Frantsııadan kelgen naýqastyń áıeli men nemeresinen de koronavırýs ınfektsııasy tabylǵanyn málim etti.
Sondaı-aq 15 naýryz kúni Tashkent ýaqytymen 05:15-te «Uzbekistan airways» áýe kompanııasynyń Ystanbul-Tashkent baǵytyndaǵy 274-reısimen kelgen Ózbekstan azamatynan da koronavırýs ınfektsııasy tabylǵan.
Sońǵy derek boıynsha, Ózbekstanda naýqastar sany altyǵa jetip otyr.
