Ózbekstanda koronavırýs juqtyrǵandar sany antrekord ornatýda
Ózbekstan Respýblıkasynyń Densaýlyq saqtaý mınıstrliginiń málimetinshe, ótken táýlikte Ózbekstanda 738 jańa naýqas tirkelgen.
Sondaı-aq kún saıyn 450-500 adamǵa kovıdti pnevmonııa dıagnozy qoıylady.
23 shildedegi jaǵdaı boıynsha, elde koronavırýs juqtyrǵan azamattardyń sany 122 786 adamǵa jetti. Pandemııa bastalǵannan beri koronavırýs saldarynan 814 adam kóz jumdy
Esterińizge sala keteıik, 28 maýsymnan bastap Ózbekstanda epıdemıologııalyq jaǵdaıdyń ýshyǵýyna baılanysty karantın sharalary kúsheıtildi. Elordada jáne respýblıka óńirlerinde aýrýdyń turaqty ósýin eskere otyryp, qosymsha kovıd ortalyqtary ashyldy. 17 shildede Ózbekstannyń koronavırýsqa qarsy is-qımyl jónindegi arnaıy respýblıkalyq komıssııasy saýda, qoǵamdyq tamaqtaný, qyzmet kórsetý jáne bilim berý salalarynda jumys isteıtin 18 jastan asqan azamattardy, sondaı-aq áskerı qyzmetshiler men quqyq qorǵaý organdarynyń qyzmetkerlerin mindetti túrde vaktsınalaý týraly sheshim qabyldady.
