Ózbekstanda koronavırýs juqtyrǵandar sany 8 myńnan asty
TAShKENT. QazAqparat - Ózbekstanda bir táýlikte 167 azamat aýrýdan saýyqqan jáne 274 kisi vırýs juqtyrǵan, dep habarlaıdy ÓzA.
Densaýlyq saqtaý mınıstrliginiń habarlaýynsha, Ózbekstanda COVID-19 indetin juqtyrǵandar sany 8222-ge jetti. Onyń ishinde 5496 jan saýyǵyp shyqqan bolsa, búginge deıin aýrýdan 24 kisi qaıtys bolǵan.
Sońǵy eki táýlikte tórt ólim jaǵdaıy tirkelip, el aýmaǵynda koronavırýs juqtyrǵandar kún ótken saıyn taǵy artyp keledi.
Qazirgi ýaqytta respýblıkalyq aýrýhanalarda 2702 naýqas indetpen kúresýde. Onyń arasynda 19 azamattyń jaǵdaıy aýyr, 6 patsıent óte aýyr halde jatyr.
