Ózbekstanda koronavırýs juqtyrǵandar sany 400-ge jýyqtady
TAShKENT. QazAqparat – Ózbekstanda koronavırýs juqtyrǵandar sany 390 adamǵa jetti, dep habarlaıdy QazAqparat tilshisi.
Sońǵy málimetterge sáıkes, elde koronavırýs ınfektsııasyn juqtyrǵandar sany 390 adamdy qurap otyr. Onyń ishinde 188 er adam jáne 202 áıel.
Jas erekshelikteri boıynsha naýqastar arasynda:
0-9 jasar 10 adam (2,6%);
10-19 jas – 15 (3,8%);
20-29 jas – 59 (15,1%);
30-39 jas – 111 (28,5%);
40-49 jas – 123 (31,5%);
50-59 jas – 48 (12,3%);
60-69 jas – 17 (4,4%);
70-79 jas – 6 (1,5%);
80 jastaǵy – 1 (0,3%) adam.
Qazirgi ýaqytta 170 naýqas Tashkent qalasynda, 64 – Ferǵanada, 61 – Ándijanda, 48 – Namanganda, 19 – Buqarada, 18 – Horezmde, 6 – Qashqadarııada, 2 – Qaraqalpaqstan Respýblıkasynda, 2 – Navoı oblysynda ınfektsııalyq aýrýlardy emdeýge mamandanǵan medıtsınalyq mekemelerde em alýda.
Qazirgi ýaqytta osy aýrýdan 30 adam tolyqtaı emdelip shyqty. 31 naýqasta pnevmonııa bar. Onyń ishinde 9 naýqastyń jaǵdaıy ortasha aýyr bolsa, ekeýi – aýyr halde jatyr.
