Ózbekstanda koronavırýs juqtyrǵandar sany 40-tan asty
TAShKENT. QazAqparat – Ózbekstanda qaýipti indetke shaldyqqandar sany ósti, dep habarlaıdy QazAqparat.
Ózbekstan Respýblıkasy densaýlyq saqtaý mınıstrliginiń málimetinshe, karantınde jatqan adamdar arasynda taǵy tórt jaǵdaı tirkelgen.
Sonymen birge, karantınnen qashqan adamdar da joq emes. Mundaı jaǵdaılar Samarqan jáne Qashqadarııa oblystarynda kezdesken.
Karantınnen qashqan eki adamǵa qatysty qylmystyq is qozǵalýy múmkin.
Ózbekstan zańnamasyna sáıkes, sanıtarlyq nemese epıdemııamen kúres zańynyń talaptaryn buzyp, halyqtyń jappaı aýyrýyna nemese ýlanýyna ákelgen jaǵdaıda qomaqty aıyppul salynady nemese 8 jylǵa deıin bas bostandyǵynan aıyrylýy yqtımal.
