Ózbekstanda koronavırýs juqtyrǵandar sany 38 myńnan asty
TAShKENT. QazAqparat - Ózbekstanda koronavırýs juqtyrǵandar sany 38 myń 412-ge jetti. Bul týraly eldiń densaýlyq mınıstrliginiń baspasóz qyzmeti Telegram kanalynda málim etti, dep habarlaıdy QazAqparat.
Mınıstrlik baspasóz qyzmetiniń habarlaýynsha, 22 tamyz kúni, jergilikti ýaqytpen 10:00-de 157 adamnan vırýs tabylǵan, keshki 17:00-de taǵy 181 jaǵdaı rastalǵan. Sonyń 169-y Tashkent qalasynda, 8-i Tashkent oblysynda, ekeýi Surhandarııa oblysynda, bireýi Qaraqalpaqstan Respýblıkasynda, taǵy biri Jyzaq oblysynda tirkelgen.
Koronavırýs indetimen aýyrǵan 34 myń 351 adam (jalpy derektiń 89 paıyzy) jazylǵan.
Osy indetten kóz jumǵandardyń jalpy sany – 265.
