Ózbekstanda koronavırýs juqtyrǵandar sany 33 adamǵa jetti
TAShKENT. QazAqparat – Ózbekstan Respýblıkasy Densaýlyq saqtaý mınıstrliginiń málimetinshe, Ózbekstanda koronavırýs juqtyrǵandar sany 33 adamǵa jetti, dep habarlaıdy QazAqparat menshikti tilshisi.
Vedomstvoda atap ótkendeı, ınfektsııa juqtyrǵan naýqastarmen baılanysta bolǵan 9 adamnan tabylǵan. Sondaı-aq, shetelden kelgen taǵy bir naýqastyń aýrý juqtyrǵany týraly aqparat rastaldy.
Eldiń bas memlekettik sanıtarlyq ınspektory Nýrmat Otabekovtiń deregi boıynsha, karantın kezinde 9 myńnan astam adam baqylaýda bolǵan, onyń ishinde 7 myńy jazylyp shyqqan. Qazirgi ýaqytta 2 300 adam karantınde jatyr.
Sanıtarlyq ınspektordyń aıtýynsha, Ózbekstanda barlyq qajetti dári-dármekter, dıagnostıkalyq quraldar qory, sondaı-aq dárigerler bar. El prezıdenti Qytaıdaǵy mamandardy arnaıy reıspen Ózbekstanǵa shaqyrtýdy tapsyrǵan.
Eske salaıyq, Ózbekstanda alǵash ret koronavırýs juqtyrǵan adam 15 naýryzda anyqtaldy.
