Ózbekstanda koronavırýs juqtyrǵandar sany 25 myńnan asty
TAShKENT. QazAqparat - Ózbekstanda koronavırýs juqtyrǵandardyń sany 25 myńnan asty. Bul týraly Ózbekstan Respýblıkasynyń Densaýlyq saqtaý mınıstrligi habarlady, dep habarlaıdy QazAqparat.
2 tamyz, jergilikti ýaqyt saǵat 10:00-degi (Nur-Sultan ýaqytymen 11:00) derek boıynsha, Ózbekstanda taǵy 257 adam koronavırýs ınfektsııasyn juqtyrǵany anyqtaldy. Elde osy ınfektsııany juqtyrǵan adamdardyń jalpy sany 25 040 qurap otyr.
Onyń ishinde 15 299 naýqas (61 paıyzy) jazylǵan. ÓR Densaýlyq saqtaý mınıstrliginiń málimeti boıynsha, elde 149 adam osy indetten qaıtys bolǵan.
Qazirgi ýaqytta Ózbekstanda 9 592 naýqas emdelýde. Sonyń 592-siniń jaǵdaıy aýyr, al 185-iniń jaǵdaıy óte aýyr.
