Ózbekstanda koronavırýs juqtyrǵandar sany 15 adamǵa jetti
TAShKENT. QazAqparat – Ózbekstanda koronavırýs ınfektsııasyn juqtyrýdyń taǵy 2 jaǵdaıy tirkeldi, dep habarlaıdy QazAqparat menshikti tilshisi.
Ózbekstannyń Densaýlyq saqtaý mınıstrligi baspasóz qyzmetiniń málimetinshe, búginde elde koronavırýs juqtyrǵandar sany 15 adamǵa jetti.
Negizinen vırýs juqtyrǵandardyń basym kópshiligi – COVID-19 dıagnozy qoıylǵan shetelden kelgen ózbek azamattarynyń týystary.
Rastalǵan jaǵdaılardyń barlyǵy Tashkentte tirkelgen.
Eske sala keteıik, Ózbekstanda koronavırýs juqtyrǵan alǵashqy jaǵdaı 15 naýryzda Frantsııadan kelgen ózbek azamatynan anyqtalǵan.
Foto: uznews.uz
