Ózbekstanda koronavırýs juqtyrǵandar sany 10 adamǵa jetti
TAShKENT. QazAqparat – Ózbekstanda koronavırýs juqtyrǵandar sany 10 adamǵa jetti, dep habarlaıdy QazAqparat tilshisi.
Ózbekstan Densaýlyq saqtaý mınıstrligi baspasóz qyzmetiniń málimetinshe, koronavırýs eldiń taǵy eki azamatynan anyqtaldy. V ırýs 15 naýryz kúni Túrkııadan Ózbekstanǵa kelgen azamattyń zaıybynan tabyldy.
Sondaı-aq, aýrýǵa shaldyqqan taǵy bir azamat anyqtaldy.
Osylaısha, Ózbekstanda indetke shaldyqqandardyń jalpy sany 10 adamǵa jetti.
Eske sala keteıik, koronavırýs ınfektsııasynyń belgileri bar birinshi naýqas 15 naýryzda anyqtaldy. Budan keıin Ózbekstanda aýyr dertke shalldyqqandar sany 8-ge deıin kóbeıgen. Vırýs birinshi naýqastyń úsh týysynan, sondaı-aq eki balasynan anyqtaldy. Budan basqa, 14 jáne 15 naýryz kúnderi Ulybrıtanııa jáne Túrkııadan kelgen azamattardyń koronavırýs juqtyrǵany anyqtaldy.
