Ózbekstanda koronavırýs juqtyrǵandar 37 adamǵa jetti
TAShKENT. QazAqparat - Ózbekstanda koronavırýs juqtyrǵandar sany artýda, dep habarlaıdy «QazAqparat» HAA menshikti tilshisi.
Ózbekstan Densaýlyq saqtaý mınıstrliginiń dereginshe, el aýmaǵynda koronavıýrs ınfektsııasyn juqtyrǵandar sany búgingi kúni 37 adamǵa jetip otyr. Qazirgi ýaqytta ol naýqastardyń barlyǵy Ózbekstan astanasynda. Kúni keshe ǵana koronavırýs indetimen kúres aıasynda Tashkentte úsh aýrýhana salý josparlanyp otyrǵandyǵy belgili boldy.
Buǵan qosa, el aýmaǵynda vırýstyń taralýymen kúresý maqsatynda Ózbekstan Prezıdenti Qarjy mınıstrliginiń janynan qarjy kólemi 10 trln sým (1 mlrd 51 mln AQSh dollary) bolatyn Daǵdarysqa qarsy qor qurýdy, sonymen qatar bıznesti, qarjylyq turaqtylyqty jáne áleýmettik salany qoldaý úshin birqatar sharany maquldady.
