Ózbekstanda koronavırýs juqtyrǵan 6 adam aýyr halde jatyr
TAShKENT. QazAqparat - Densaýlyq saqtaý mınıstrliginiń málimetinshe, Ózbekstanda táýlik boıy 84 adam koronavırýs juqtyrǵan. Qazirde naýqastardyń jalpy sany 2939 kisige jetti, dep jazady ÓzA.
Búgingi jańadan vırýs juqtyrǵan naýqastardyń 44 - shetelden kelgen azamattar, 40 - karantınde bolǵan azamattar.
Sondaı-aq búgin 34 azamat indetten saýyǵyp aýrýhanadan shyqqan. Olardyń qatary 2372 kisige jetip, 13 kisi qaza bolǵan. Qazirde respýblıkalyq aýrýhanalarda 554 naýqas dárigerler baqylaýynda qalǵan. Ondaǵy 6 aýrý jannyń jaǵdaıy aýyr.
Eske salar ketsek, Ózbekstanda alǵashqy koronavırýs indeti 15 naýryzda tirkelgen edi. Naýqas 11 naýryzda Parıjden oralǵan tashkenttik dáriger bolatyn.
