Ózbekstanda koronavırýs juqtyrǵan 10 patsıenttiń jaǵdaıy aýyr
TAShKENT. QazAqparat - 11 maýsym keshki qorytyndy málimet boıynsha, Ózbekstanda 118 kisiniń koronavırýs juqtyrǵany belgili boldy. Eldegi naýqastardyń jalpy sany sany 4741-ge jetti, dep habarlaıdy QazAqparat ÓzA agenttigine silteme jasap.
Sondaı-aq keshe 105 azamat indetten saýyǵyp shyqqan bolatyn. Dertten emdelgender sany sol arqyly 3637 adamǵa jetip otyr.
Koronavırýs tirkelgeli 19 syrqat qaıtys boldy.
Qazirgi ýaqytta respýblıkalyq aýrýhanalarda 1085 naýqas em alyp jatyr.
Olardyń arasynda 10 naýqastyń jaǵdaıy aýyr. Onyń ishinde ekeýi óte aýyr halde.
