Ózbekstanda koronavırýs vaktsınasynyń tolyq komponentin alǵandar sany 1 mln-nan asty
TAShKENT. ÓzA - QazAqparat – Ózbekstanda halyqty jappaı vaktsınalaý aıasynda búginge deıin jalpy 1 558 439 azamatqa ekpe jasaldy. Bul týraly QazAqparat ÓzA silteme jasap habarlaıdy.
Ózbekstannyń Densaýlyq saqtaý mınıstrliginiń málimetinshe, 21 mamyrda búkil el boıynsha 46 018 adamǵa COVID-19-ǵa qarsy vaktsına egilgen. Olardyń 15 046-y alǵashqy doza alǵan bolsa, 30 972-si vaktsınanyń ekinshi dozasyn saldyrǵan.
Búgingi kúnge deıin Ózbekstanda koronavırýsqa qarsy vaktsınanyń 1 558 439 dozasy qoldanylǵan, onyń 389 080 dozasyn ekinshi kezeńde jumsalǵan. Tıisinshe, eldegi vaktsınatsııanyń tolyq komponentin alǵandardyń jalpy sany 1 169 359 qurady.
Respýblıka boıynsha vaktsınatsııa aıasynda úsh túrli preparat qoldanylýda (ózbek-Qytaı ǵalymdary birlesip jasaǵan ZF-UZ-VAC2001 vaktsınasy, AstraZeneca, Spýtnık V). Al azamattar vaktsınanyń túrine baılanysty eki ret nemese úsh ret ekpe alǵanda tolyqtaı vaktsınatsııalanǵan bolyp tabylady. 2021 jyldyń 1 mamyrynan bastap vaktsınanyń birinshi kezeńin alǵan azamattarǵa onyń ekinshi dozasymen vaktsına egý protsesi bastalǵan bolatyn.
