Ózbekstanda koronavırýs boıynsha epıdjaǵdaı jaqsaryp keledi

TAShKENT. QazAqparat – Ózbekstanda koronavırýspen aýyratyndar sany azaıyp keledi, dep habarlaıdy QazAqparat menshikti tilshisi.

ÓR densaýlyq saqtaý mınıstrliginiń málimetinshe, 22 qarashada 174 adamnan koronavırýs tabylǵan – bul maýsymnan bergi eń tómengi kórsetkish. Maýsym-tamyzda aýrý kórsetkishi táýligine 800-1000 adam bolǵan. Qyrkúıek-qazanda bir kúnde COVID-19 juqtyrǵandar sany 400-ge jetti.

Elde koronavırýstan emdelgenderdiń jalpy sany 191 750 adamǵa jetken nemese 98 %-dy quraǵan.

«Elde koronavırýs jaǵdaıy jaqsarǵanymen, turǵyndardan karantın erejesin saqtaýdy suraımyz», - deıdi ÓR densaýlyq saqtaý mınıstrliginen.