Ózbekstanda koronavırýs boıynsha epıdemııalyq ahýal ońalyp keledi

TAShKENT. QazAqparat – Ózbekstanda koronavırýs boıynsha epıdemıologııalyq ahýal jaqsaryp keledi, dep habarlaıdy QazAqparat tilshisi.

Ózbekstannyń Densaýlyq saqtaý mınıstrliginiń deregine saı, 20 jeltoqsan kúni 124 adamnan vırýs anyqtalǵan, bul – maýsymnan bergi eń tómen kórsetkish. Ol kezde elde pandemııanyń kezekti tolqyny bastalǵan bolatyn.

Maýsym-tamyz aılarynda táýligine 800-1000 adam vırýs juqtyrǵanyn aıta ketý kerek. Qyrkúıek-qazan aılarynda ahýal jaqsardy, ol kezde táýligine 400-ge deıin juqtyrý jaǵdaıy anyqtalǵan edi.

«Koronavırýstan emdelip shyqqandar qatary 194 212 nemese 98%-ǵa jetti. Qazirgi kezde 1 715 adam em qabyldap jatyr», - dep habarlady mınıstrlikten.

Mádıbek Jánibekov