Ózbekstanda kóne altyn teńgeni 100 myń dollarǵa satpaq bolǵandar ustaldy

«PETRÝ BOGDANOVÝ 1899» degen jazýy bar bul altyn teńge HІH ǵasyrdyń sońyndaǵy mádenı baılyqqa jatady, dep habarlaıdy Kazinform Ózbekstan Bas prokýratýrasy janyndaǵy Ekonomıkalyq qylmysqa qarsy kúres departamentiniń baspasóz qyzmetine silteme jasap. 

 

Ekonomıkalyq qylmysqa qarsy kúres basqarmasy Surhandarııa oblysynda azamattar J.A. jáne A.J. azamat A.E.-ge HІH ǵasyrdyń sońyndaǵy mádenı baılyqqa jatatyn, salmaǵy 61,69 gramm bolatyn «PETRÝ BOGDANOVÝ 1899» degen jazýy bar kóne altyn teńgeni 100 000 AQSh dollaryna satyp jatqan kezde zattaı aıǵaqtarmen ustady.

Osy jaǵdaıǵa baılanysty Ózbekstan Qylmystyq kodeksiniń 177-baby (valıýta qundylyqtaryn zańsyz ıemdený nemese ótkizý) boıynsha qylmystyq is qozǵalyp, tergeý amaldary júrgizilýde.