Ózbekstanda qolma-qol valıýtany deklaratsııasyz shyǵarý shegi kóteriledi
ASTANA. KAZINFORM — Ózbekstanda jeke tulǵalardyń qolma-qol valıýtany deklaratsııa toltyrmaı elden alyp shyǵýyna ruqsat etiletin soma kólemi ulǵaıtylmaq.
Ózbekstan Prezıdentiniń jarlyǵyna sáıkes, elden qolma-qol valıýtany deklaratsııa toltyrmaı alyp shyǵý shegi 10 myń dollar mólsherinde belgilenedi.
Tıisti zań jobasy 2027 jylǵy jeltoqsanǵa deıin ázirlenýge tıis.
Al qazirgi qoldanystaǵy norma boıynsha, bul kórsetkish 100 mln sýmǵa (shamamen 8,5 myń dollar) teń. Ózbekstanǵa odan asatyn somany ákelgen nemese alyp shyqqan jaǵdaıda, jeke tulǵalar jolaýshylardyń kedendik deklaratsııasyn toltyryp, ony keden qyzmetkerine usynýǵa mindetti.
Aıta keteıik, buǵan deıin Ózbekstanǵa barǵan sheteldik týrısterdiń ár tórtinshisi — Qazaqstan azamaty ekenin jazǵanbyz.
Sonymen qatar Ózbekstan ekstremızm týraly zańdy jeńildetip, ınternettegi baqylaýdy kúsheıtti.
