Ózbekstanda kolledj dırektoryn soqqyǵa jyqqan ákim orynbasary jazalandy

Oǵan tártiptik jaza taǵaıyndaldy, sonymen qatar tergeý amaldary júrgizilýde, dep habarlaıdy Kazinform Kun.uz saıtyna silteme jasap.

Ferǵana oblysynyń Baǵdat aýdany ákiminiń jastar saıasaty, áleýmettik damý jáne rýhanı-aǵartý isteri jónindegi orynbasary tártiptik jazaǵa tartyldy. Bul týraly buıryqqa aýdan ákimi 22 qarashada qol qoıǵan.

Qujatqa sáıkes, aýdan ákiminiń orynbasary memlekettik qyzmetshiniń ádep erejelerin «óreskel buzǵan». Oǵan Eńbek kodeksiniń 312-baby negizinde sógis jarııalandy.

Baǵdat aýdanyndaǵy pedagogıkalyq kolledjge gazet-jýrnalǵa jazylý úshin 24 mıllıon sýmdyq (900 000 tenge) jospar berilgen, bul talapty oryndaı almaǵan kolledj dırektoryn aýdan ákiminiń orynbasary soqqyǵa jyqqan.

Baǵdat aýdandyq prokýratýrasynyń habarlaýynsha, jaǵdaıǵa baılanysty tergeý amaldary júrgizilýde.