Ózbekstanda kólikterdi tirkeý quny 68 ese ósti

TAShKENT. KAZINFORM – Ózbekstanda avtokólikter men olardyń tirkemelerin rásimdeý jáne qaıta tirkeýden ótkizý úshin alynatyn tólem mólsheri ósti. Іshki ister mınıstriniń tıisti buıryǵy 1 sáýirden bastap kúshine endi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Qujatta jazylǵandaı, 1 sáýirden bastap elektromobıl, mototsıkl jáne tirkemelerdi rásimdeý quny 15 esege, ıaǵnı 1,5 bazalyq eseptik shamaǵa (18 myń teńge) deıin ulǵaıdy.

Al qalǵan kólik quraldary úshin bul mólsher 68,4 esege ósti. Atap aıtqanda, janarmaımen júretin temir tulparlardy tirkeýge nıetti ózbekstandyqtar endi 2,32 mln sým (82 myń teńge) tóleýi tıis.

Buǵan deıin barlyq avtomobılder men tirkemelerdi rásimdeý quny 34 myń sým (1 200 teńge) bolǵan edi.

Eske sala keteıik, buǵan deıin Ózbekstanda zııandy sanattaǵy kólikterdi ekologııalyq taza kólikterge aýystyrǵandarǵa sýbsıdııa berý josparlanǵanyn jazǵan bolatynbyz.