Ózbekstanda kólikke taýdan tas qulap, 3 jolaýshy kóz jumdy

TAShKENT. KAZINFORM – Ózbekstannyń Tahtakaracha asýynda taýdan qulaǵan tas Chevrolet Cobalt kóligin basyp qalyp, saldarynan úsh adam kóz jumdy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Jol qozǵalysy qaýipsizdigi qyzmetiniń málimetinshe, qaıǵyly oqıǵa 6 qarasha kúni Qashqadarııa oblysynda bolǵan.

«Apatqa baılanysty Samarqan men Qashqadarııa oblystaryn baılanystyryp jatqan M-39 tas jolynyń 1 138-shi shaqyrymy ýaqytsha jabyldy», - dep málim etti vedomstvodan.

Eske sala keteıik, bıyl 9 aıdyń ishinde Qazaqstanda 19 myńnan astam jol-kólik oqıǵasy bolyp, saldarynan 26 703 adam zardap shekken edi. 

Sondaı-aq Qyrǵyzstanda qar kóshkini júrip, on kólik týnnelde qalyp qoıǵanyn jazǵan bolatynbyz.