Ózbekstanda kólikpen júrýge tyıym salyndy
TAShKENT. QazAqparat – Ózbekstan qalalarynda jeke kólikpen júrýge tyıym salyndy, dep habarlaıdy QazAqparat tilshisi.
Koronavırýsqa qarsy kúres júrgizý jónindegi arnaıy respýblıkalyq komıssııanyń sheshimimen Ózbekstannyń Tashkent, Núkis jáne oblystyq mańyzy bar qalalarynda 30 naýryz ben 20 sáýir aralyǵynda jeke maqsattarda kólikpen júrýge tyıym salyndy. Qalada ruqsatsyz júre alatyn kólikter tizimine tek dıplomatııalyq, kommýnaldyq qyzmet kórsetetin kólik quraldary, medıtsınalyq-epıdemıologııalyq qyzmet kórsetetin, aýylsharýashylyq ónimderin jetkizetin kólikter, medıtsınalyq mekemelerge jáne olardan jedel medıtsınalyq kómekke (júktilik, ómirge qaýip tóndirgen dene jaraqattary) muqtaj adamdardy ákelgen kólikter, qalalyq jáne aýdandyq ákimshilik basshylary, olardyń orynbasarlarynyń avtomobılderi, jerleý kólikteri, jedel jáne medıtsınalyq kómek mashınalary, patrýldik avto, poshta qyzmeti jáne azyq-túlikti kýrerlik jetkizý kólikteri, sondaı-aq kommertsııalyq bank avtomobılderi kiredi.
29 naýryzdan bastap shekteý qoıý kezeńinde qozǵalys ruqsat etilgen avtomobılder úshin arnaıy ruqsat (stıkerlerdi) berý bastalady. Kólikke jeke múddemen minip júrýge tyıym salynǵan.
