Ózbekstanda kólik qozǵalysy tolyq toqtatyldy
TAShKENT. ÓZA-QazAqparat - Arnaıy respýblıkalyq komıssııanyń sheshimine sáıkes 25-26 shildede (senbi, jeksenbi) Ózbekstan aýmaǵynda kólik qozǵalysy tolyq toqtatyldy. Tipti taksıdiń júrýine tyıym salynǵan, dep habarlaıdy QazAqparat ÓzA agenttigine silteme jasap.
Kezekti vıdeoselektorlyq jınalysta Ózbekstan prezıdenti Shavkat Mırzıev Arnaıy respýblıkalyq komıssııanyń karantın shekteýin uzartý týraly usynysyn qoldaǵan bolatyn. 25 shildede saǵat 10:00-degi jaǵdaı boıynsha Ózbekstanda koronavırýs ınfektsııasyn juqtyrǵandar sany 19 653 adamǵa jetti. Bir kúnde aýrýlarmen baılanysta bolǵan jáne test tapsyrǵan 293 adamnan koronavırýs tabyldy. Tashkentte - 242, Syrdarııa oblysynda - 36, Qaraqalpaqstanda – 8, Naýoı oblysynda 8 adam ınfektsııa juqtyrǵany anyqtaldy.
Qazir elde 10 472 adam (54 paıyz) koronavırýstan jazyldy. 9 074 syrqat belgilengen standart boıynsha emdelip jatyr, onyń ishinde 138-iniń jaǵdaıy aýyr, al 40-ynyń óte múshkil halde ekeni habarlandy.
