Ózbekstanda Qyzyl kitapqa engen janýarlardy aýlaǵandarǵa salynatyn aıyppul 10 ese ósti

Ózbekstanda Qyzyl kitapqa engen janýarlar men ósimdikterge zalal keltirgenderge salynatyn aıyppuldar somasy ósti, dep habarlaıdy Kazinform agenttiginiń menshikti tilshisi. 

Ózbekstannyń Mınıstrler kabıneti «Bıologııalyq resýrstardy qoldanýdy retteý jáne tabıǵatty paıdalaný salasyndaǵy ruqsat berý rásimderinen ótý tártibi týraly» qaýlysyna ózgeris engizdi.

Tıisinshe endi Ózbekstannyń Qyzyl kitabyna engen ósimdikterge zııan keltirgenderge salynatyn aıyppul mólsheri 5 ese ósedi. Máselen, joıylyp bara jatqan ósimdik bolsa, ár danasy úshin 10 bazalyq eseptik shama (126 571 teńge) kóleminde, al eger sırek kezdesetin túri bolsa - 4 bazalyq eseptik shama (50 628 teńge) jáne azaıyp bara jatqan floraǵa 2,5 bazalyq eseptik shama (31 642 teńge) kóleminde aıyppul salynady.

Sondaı-aq janýarlarǵa keltirilgen zalal úshin qarastyrylǵan aıyppul 10 ese ulǵaıtyldy. ıAǵnı, endi Ózbekstan azamaty bir qar barysyn aýlaıtyn bolsa, ol 3 000 bazalyq eseptik shama (37 mln 971 myń teńge), al sheteldik azamattar men zańdy tulǵalar 400 myń dollar (183 mln 614 myń teńge) tóleýi tıis.

Qujat 11 jeltoqsannan bastap kúshine endi.