Ózbekstanda qyz jasaýyna 800 kitap qosyp berildi

ASTANA. KAZINFORM – Qashqadarııa oblysynyń Kókdala aýdanyna Ándijan oblysynan kelip bolyp túsken Nasıbahan Ibragımovanyń qyz jasaýy áleýmettik jelilerde qyzý talqylaýǵa sebep boldy. Onyń qyz jasaýyna 800 kitap qosyp berildi. 

Kúıeýi Mırjalol Mahmaraıımov bolashaq áıelimen birge birneshe jyl boıy kitap jınap kelgenin, al úılený toıynan keıin jas jubaılardyń birlesken kitaphanasyndaǵy kitaptar sany 1,5 myńǵa jetkenin málimdegen.

– Biz 3 jyl kezdesip, birge kitap oqydyq, birge kitap jınadyq. Sondaı-aq kitaptardy onlaın sata bastadyq. Jeke kitaphanamyz bolýyn armandadyq. 2025 jyldyń tamyz aıynda úılendik. Úılený toıyna deıin ol ózimen birge jınaǵan kitaptaryn meniń úıime ákeldi. Sodan keıin biz sóre jasap, jeke kitaphana saldyq, - deıdi Mırjalol.

Otbasynyń jeke kitaphanasy Kókdala aýdanynyń Shorqudyq aýdanyndaǵy Mırjaloldyń úıinde ornalasqan. Qalyńdyq pen kúıeý jigit qazirgi ýaqytta Tashkentte jaldamaly páterde turady - Mırjalol sol jerde, ol Chorsý bazaryndaǵy kitap dúkenderiniń birinde jumys isteıdi.

– Bizdiń kitaphanamyzdyń sýreti kezdeısoq ınternette tarady. Bul Zúlfııa atyndaǵy memlekettik syılyqqa(jas talantarǵa beriletin syılyq – red.) ótinish bergen kezde tirkelgen sýret edi, ony bloger taratty, - deıdi ol.

Nasıbahan bıyl Zúlfııa atyndaǵy syılyqty ala almady, biraq otbasy kelesi jyly taǵy da baq synaǵysy keldi.

Eske sala keteıik, Reseıde Ózbekstan azamatynan 10 keli shash tárkilendi.