Ózbekstanda, Qyrǵyzstan men Tájikstan shekarasynda 3 baldyq jer silkinisi boldy

ASTANA. KAZINFORM — Qyrǵyzstan men Tájikstan shekarasynda búgin, 9 qyrkúıek saǵat 09:41–de epıtsentrinde kúshi 3 balǵa jetetin jer silkinisi tirkeldi, dep habarlaıdy Kabar aqparat agenttigi. 

Qyrǵyz Respýblıkasy ulttyq ǵylym akademııasy seısmologııa ınstıtýtynyń málimetinshe, jer silkinisiniń oshaǵy Kók-Tash aýylynan ońtústik-batysqa qaraı 10 shaqyrym, Bulaq-Bashy aýylynan batysqa qaraı 21 shaqyrym, Batken qalasynan ońtústik-batysqa qaraı 35 shaqyrym jerde ornalasqan.

Qyrǵyzstannyń eldi mekenderinde jer silkinisiniń kúshi Kók-Tash aýylynda — 2,5 ball, Bulaq-Bashy aýylynda shamamen — 2 balǵa jetti. 

NOVA 24 Telegram arnasynyń habarlaýynsha, Ózbekstan astanasy Tashkentte saǵat 05:45–te magnıtýdasy 3,6 baldyq jer silkinisi sezilgen.

Onyń epıtsentri Mırzo-Ulyqbek aımaǵynda boldy, jerasty dúmpýiniń kúshi 2 baldy quraǵan. 

Aqparatty Kazinform úshin aqparattyq seriktesi «Kabar» agenttigi arnaıy usyndy.