Ózbekstanda keshikken poıyzdardyń jolaýshylaryna ótemaqy tólenýi múmkin
TAShKENT. KAZINFORM — Ózbekstanda keshikken poıyzdardyń jolaýshylaryna ótemaqy tóleý mehanızimi engizilmek. Tıisti zań jobasyn eldiń Kólik mınıstrligi ázirlep jatyr, dep habarlaıdy Kazinform agenttiginiń Tashkenttegi menshikti tilshisi.
Ótemaqy tasymaldaýshynyń kinásine baılanysty keshiktirilgen poıyzdardyń jolaýshylaryna beriledi. Jobaǵa sáıkes, azamattarǵa qaıtarylatyn somany tómendegideı bekitý usynylady:
— 15 mınýttan 30 mınýtqa deıin keshiktirilgen jaǵdaıda bılet qunynyń 15%-y óteledi;
— 31 mınýttan 60 mınýtqa deıin — 25%;
— 61 mınýttan 120 mınýtqa deıin — 50%;
— 121 mınýttan kóp — 100%.
— Bul bastamany qarastyrýǵa azamattar tarapynan jıilegen ótinishter men áleýmettik jelilerdegi shaǵymdar sebep boldy. 2025 jyly Básekelestikti damytý jáne tutynýshylardyń quqyǵyn qorǵaý komıtetine 51 ótinish tústi, — delingen vedomstvo taratqan habarlamada.
Qosa ketsek, Ózbekstanda áskerı boryshyn ótep júrgen sarbazdarǵa endi JOO-da qashyqtan oqý múmkindigi usynylmaq.
Sondaı-aq, ushaqpen et ımporttaıtyn ózbekstandyq kompanııalardyń jarty shyǵynyn endi memleket óteıdi.
Buǵan qosa, alıment tóleýden jaltaryp júrgen ózbekstandyqtarǵa endi nesıe berilmeıdi.
