Ózbekstanda qazaqstandyq taýarlar kórsetildi

TAShKENT. QazAqparat - Birinshi Ortalyq Azııa ekonomıkalyq forým aıasynda Tashkentte Qazaqstan taýarlarynyń kórmesi ótti, dep habarlaıdy «QazAqparat» HAA Ózbekstandaǵy menshikti tilshisi.

Kórmege Qazaqstannan barǵan 60-tan astam kompanııa qatysty. Olardyń qatarynda: mashına jasaý, qurylys, azyq-túlik salalary, sondaı-aq, hımııa jáne farmotsevtıka salalaryndaǵy kásiporyndar bar.

«Biz aldaǵy ýaqytta aýqymdy eksporttyq kelisimder jasasýǵa áleýetti qazaqstandyq kásiporyndar arasynda irikteý jasadyq. Basym sektorlar - tamaq, hımııa jáne farmatsevtıka salalary», - dedi QR Indýstrııa jáne ınfraqurylymdyq damý mınıstrligi eksportty ilgerletý basqarmasynyń basshysy Ómirbek Bashtaı.

Kórmege sondaı-aq, Qazaqstan, Ózbekstan jáne Tájikstan premer-mınıstrleriniń orynbasarlary qatysty. Onda Qazaqstan men Ózbekstannyń taýar óndirýshileri óz ónimderin kórsetti.

Eske sala ketsek, Ortalyq Azııanyń alǵashqy ekonomıkalyq forýmy Ortalyq Azııa elderiniń premer-mınıstrleri orynbasarlarynyń qatysýymen 15 naýryzda Tashkentte ótti.