Ózbekstanda qazaqstandyq ónimderge suranys joǵary
Qurylys zattaryn aıtpaǵannyń ózinde bizden azyq-túlik pen turmystyq tehnıkalar da kóptep tasymaldanady. Óıtkeni kórshi eldiń naryǵynda Qazaqstanda jasalǵan taýarlarǵa degen suranys kóp.
«Oǵan qosa, baǵasy qaltaǵa qonymdy jáne sapasy joǵary», - deıdi satýshylar. Qazaqstan men Ózbekstan arasyndaǵy bir ǵana «Jibek joly» shekara beketinen táýligine arly-beri 30 myńǵa jýyq azamat qatynaıdy eken. Olardyń basym bóligi Qazaqstannan turmystyq tehnıkalar men azyq-túlik tasymaldap jatyr. Tıisinshe Ózbekstannan jemis-jıdek beri qaraı ótkiziledi.
Jalpy jyl basynda Ózbekstan kez kelgen azamatqa shekara arqyly qalaǵanynsha taýar alyp ótýge ruqsat bergen bolatyn. Alaıda qazirgi tańda birqatar shekteýler qoıylǵan. ıAǵnı qolmen tasymaldanatyn júktiń salmaǵy 10 keliden aspaýy kerek. Tıisinshe aıyna bir ret turmystyq tehnıkany alyp ótýge ruqsat etilgen.
«Jalpy Ózbekstannyń ishki naryǵynda Qazaqstanda jasalǵan ónimge degen suranys joǵary», - deıdi satýshylar. Óıtkeni uly dala elinde jasalǵan otandyq ónim básekege qabiletti.
«Ózbekstannyń ishki naryǵynda Qazaqstanda jasalǵan ónimge degen suranys artyp keledi. Bul bizdiń qazirgi prezıdentterimizdiń júrgizip otyrǵan saıasatynyń nátıjesi dep bilemin. Shekara ashylyp, qazaqstandyq taýarlar Ózbekstan naryǵyna kóptep jetkizile bastady. Bizdiń dúkende de qazaqstandyq taýarlar satylyp jatyr. Jergilikti tutynýshylar talabynan shyǵatyn taýarlar. Demek Ózbekstan men Qazaqstan arasynda saýda-sattyq deńgeıi artty deýge negiz», - deıdi kásipker Sýrat Abıdov.
Jalpy, Ózbekstanda áýe joly arqyly baj salyǵynsyz tasymaldanatyn júktiń mólsheri 2 myń AQSh dollarynan aspaýy kerek. Temirjol men ózen arqyly bul kórsetkish myń dollardy quraıdy. Jaıaý júrginshilerdiń shekara beketteri arqyly qolmen alyp ótetin júgi 300 dollar kóleminde bolýy kerek. Bul - kórshi eldiń ishki talaby. Qalaı desek te, Qazaqstan men Ózbekstan arasyndaǵy shekaradaǵy birqatar kedergilerdiń alynyp tastalýy barys-kelisti arttyryp qana qoımaı, saýda-sattyqtyń jaqsarýyna negiz bolyp otyr.
