Ózbekstanda qazaqstandyq áıelderdi zorlap óltirgen kúdiktilerge qatysty tergeý aıaqtaldy
ASTANA. QazAqparat - Birneshe áıelderdi, sonyń ishinde Qazaqstan azamatshalaryn óltirgen eki kúdiktige qatysty tergeý jumysy aıaqtaldy, dep habarlaıdy «QazAqparat» tilshisi Ózbekstan Respýblıkasynyń Bas prokýratýrasyna silteme jasap.
2011-2012 jyldary Ózbekstandy adam óltirý oqıǵalary birden sharpyp ketken bolatyn. Áıelderdiń máıitteri adam kóp júrmeıtin, syrt dalada tabylyp jatty. Qylmyskerler óz qurbandaryn aldymen tonap, keıin kózderin joıyp otyrǵan. 2012 jyldyń sońynda qylmyskerler qolǵa tústi. Olar jeke adam tasymalymen aınalysyp kelgen Ózbekstan azamattary bolyp shyqty.
«Ózbekstannyń 5 azamatshasyna jáne Qazaqstannyń alty azamatshasyna qatysty qylmysty ıÝkochırchık aýdanynyń turǵyndary Ormanov pen Berdalıev jasaǵandary anyqtaldy. Tintý barysynda olardan zattaı aıǵaqtar tabylǵan jáne olardyń kinálary qylmystyq is aıasynda jınalǵan materıaldardyń negizinde tolyǵymen dáleldendi», - delingen habarlamada.
Qazirgi ýaqytta atalmysh is Ózbekstannyń joǵary sotyna joldandy.
