Kórshiles elde qazaqstandyq kapıtalmen jumys isteıtin kompanııalar kóbeıdi

TAShKENT. KAZINFORM – Aqpanda Ózbekstanda sheteldik kapıtalmen jumys isteıtin kásiporyndar sany birden 340-qa kóbeıdi, dep habarlaıdy Kazinform agenttiginiń menshikti tilshisi.

Қазақстан Өзбекстан
Фото: ҚР Сауда және интеграция министрлігі

Ulttyq statıstıka komıtetiniń 1 naýryzdaǵy deregine saı, Ózbekstanda sheteldik kapıtalmen 15 503 kompanııa jumys istep tur.

Bul rette qytaılyq kásiporyndardyń úlesi basym. Aqpan aıynda olardyń qatary 109-ǵa kóbeıip, jalpy sany 3 576-ke jetti.

Odan keıin 3 016 kompanııamen Reseı tur. Úshtikti Túrkııa túıindeıdi. Atalǵan eldiń kásipkerleri Ózbekstanda 1 899 kásiporyn qurǵan.

Sonymen qatar, qazaqstandyq ınvestorlardyń da belsendigili baıqalady. Atap aıtqanda, bir aıdyń ishinde bizdiń el Ózbekstanda 22 kásiporyn ashty. Osylaısha, qazir resmı Tashkentte qazaqstandyq kapıtalmen jumys isteıtin kompanııalar sany 1 082-ge teńeldi.

Eske salaıyq, bıyl qantar aıynda Ózbekstanda qazaqstandyq kapıtalmen myńnan astam kásiporyn jumys istep turǵanyn jazyp edik.

Buǵan deıin habarlaǵanymyzdaı, Qazaqstan men Ózbekstan arasynda qosymsha 4 saýda dálizi ashylýy múmkin. Sondaı-aq, Tashkentte Qazaqstannyń, Astanada Ózbekstannyń saýda ortalyǵy salýy múmkin. Bul rette eki el arasyndaǵy óńiraralyq baılanys nyǵaıyp keledi.

Byltyr Qazaqstan men Ózbekstan arasyndaǵy taýar aınalymy 4,2 mlrd dollardan asty. Qamtylyp otyrǵan kezeńde resmı Tashkent Astanaǵa 1,4 mlrd dollardyń taýaryn eksporttap, 2,8 mlrd dollardan astam somaǵa taýar ımporttaǵan.

Sondaı-aq, keıingi 5 aıda Qazaqstan Ózbekstanǵa 2 mln tonna astyq eksporttady.

Сейчас читают