Ózbekstanda qazaqstandyq kapıtalmen jumys isteıtin kompanııalar qatary kóbeıdi

TAShKENT. KAZINFORM – Ulttyq statıstıka komıtetiniń 1 aqpandaǵy deregine saı, Ózbekstanda sheteldik kapıtalmen 18 513 kompanııa jumys istep tur, dep habarlaıdy Kazinform agenttiginiń Tashkenttegi menshikti tilshisi.

Kórshiles elde qytaılyq kásiporyndardyń úlesi basym. Eki aı ishinde olardyń qatary 345-ke kóbeıip, jalpy sany 5 218-ge jetti.

Odan keıin 3 190 kompanııamen Reseı tur. Úshtikti Túrkııa túıindeıdi. Atalǵan eldiń kásipkerleri Ózbekstanda 2 149 kásiporyn qurǵan.

Sonymen qatar, qazaqstandyq ınvestorlardyń da belsendigili baıqalady. Atap aıtqanda, byltyr jeltoqsannan bıyl aqpanǵa deıin bizdiń el Ózbekstanda 22 kásiporyn ashty. Osylaısha, qazir resmı Tashkentte qazaqstandyq kapıtalmen jumys isteıtin kompanııalar sany 1 221-ge teńeldi.

Eske salaıyq, byltyr Qazaqstan men Ózbekstan arasyndaǵy taýar aınalymy 5 mlrd dollarǵa jýyqtady.

Munymen birge, bıyl qańtarda 88 myńnan astam qazaqstandyq Ózbekstanǵa saıahattap barǵan.

Buǵan deıin habarlaǵanymyzdaı, Qazaqstanda tirkelgen kólikterdiń Ózbekstanda júrý merzimi endi 6 aıǵa deıin uzartylýy múmkin.