Ózbekstanda qazaqstandyq kapıtalmen jumys isteıtin kompanııalar qatary kóbeıdi
TAShKENT. KAZINFORM – Jarty jyl ishinde Ózbekstanda sheteldik kapıtalmen jumys isteıtin 1800-den astam jańa kásiporyn quryldy, dep habarlaıdy Kazinform agenttiginiń menshikti tilshisi.

Ulttyq statıstıka komıtetiniń 1 shildedegi deregine saı, Ózbekstanda sheteldik kapıtalmen 16 685 kompanııa jumys istep tur.
Bul rette qytaılyq kásiporyndardyń úlesi basym. 6 aıda olardyń qatary 835-ge kóbeıip, jalpy sany 4 192-ge jetti.
Odan keıin 3 098 kompanııamen Reseı tur. Úshtikti Túrkııa túıindeıdi. Atalǵan eldiń kásipkerleri Ózbekstanda 2 007kásiporyn qurǵan.
Sonymen qatar, qazaqstandyq ınvestorlardyń da belsendigili baıqalady. Atap aıtqanda, jarty jyldyń ishinde bizdiń el Ózbekstanda 116 kásiporyn ashty. Osylaısha, qazir resmı Tashkentte qazaqstandyq kapıtalmen jumys isteıtin kompanııalar sany 1 157-ge teńeldi.
Buǵan deıin habarlaǵanymyzdaı, Qazaqstan men Ózbekstan arasynda qosymsha 4 saýda dálizi ashylýy múmkin. Sondaı-aq, Tashkentte Qazaqstannyń, Astanada Ózbekstannyń saýda ortalyǵy salynýy yqtımal.
Buǵan qosa, bıyl alǵashqy 5 aıdyń qorytyndysy boıynsha Qazaqstan Ózbekstannyń negizgi saýda seriktesteriniń úshtiginde qaldy. Qamtylyp otyrǵan kezeńde resmı Tashkent Astanǵa 518,8 mln dollardyń taýaryn eksporttap, 1,2 mlrd dollardan astam somaǵa ónim ımporttaǵan.