Ózbekstanda qazaqstandyq kapıtalmen jumys isteıtin kompanııalar qatary kóbeıdi
TAShKENT. KAZINFORM – Ulttyq statıstıka komıtetiniń 1 maýsymdaǵy esebine saı, Ózbekstanda sheteldik kapıtalmen 19 921 kompanııa jumys istep tur, dep habarlaıdy Kazinform agenttiginiń Tashkenttegi menshikti tilshisi.
Kórshiles elde qytaılyq kásiporyndardyń úlesi basym. Mamyrdan beri olardyń qatary 206-ǵa kóbeıip, jalpy sany 5 821-ge jetti.
Odan keıin 3 349 kompanııamen Reseı tur. Úshtikti Túrkııa túıindeıdi. Atalǵan eldiń kásipkerleri Ózbekstanda jalpy sany 2 237 kásiporyn qurǵan.
Sonymen qatar qazaqstandyq ınvestorlardyń da belsendigili baıqalady. Atap aıtqanda, mamyrdan maýsymǵa deıin, ıaǵnı bir aıda bizdiń el Ózbekstanda 24 kásiporyn ashty. Osylaısha, qazir resmı Tashkentte qazaqstandyq kapıtalmen jumys isteıtin kompanııalar sany 1 283-ke teńeldi.
Eske salaıyq, bıyl tórt aıda 935 myńnan astam qazaqstandyq demalysyn Ózbekstanda ótkizgen.
Sonymen qatar alǵashqy toqsanda Qazaqstan men Ózbekstan arasyndaǵy taýar aınalymy 1,3 mlrd dollarǵa jetti.
