Ózbekstanda qazaqstandyq kapıtalmen jumys isteıtin kompanııalar qatary kóbeıdi

TAShKENT. KAZINFORM — Keıingi 5 jylda Ózbekstanda sheteldik kapıtalmen jumys isteıtin kásiporyndardyń sany 1,9 ese ósti, dep habarlaıdy Kazinform agenttiginiń menshikti tilshisi.

Ulttyq statıstıka komıtetiniń 1 jeltoqsandaǵy deregine saı, Ózbekstanda sheteldik kapıtalmen 17 900 kompanııa jumys istep tur.

Bul rette qytaılyq kásiporyndardyń úlesi basym. 11 aıda olardyń qatary 1 516-ǵa kóbeıip, jalpy sany 4 873-ge jetti.

Odan keıin 3 209 kompanııamen Reseı tur. Úshtikti Túrkııa túıindeıdi. Atalǵan eldiń kásipkerleri Ózbekstanda 2 109 kásiporyn qurǵan.

Sonymen qatar, qazaqstandyq ınvestorlardyń da belsendigili baıqalady. Atap aıtqanda, 11 aıdyń ishinde bizdiń el Ózbekstanda 158 kásiporyn ashty. Osylaısha, qazir resmı Tashkentte qazaqstandyq kapıtalmen jumys isteıtin kompanııalar sany 1 199-ǵa teńeldi.

Buǵan deıin habarlaǵanymyzdaı, Qazaqstan men Ózbekstan arasynda qosymsha 4 saýda dálizi ashylýy múmkin. Sondaı-aq, Tashkentte Qazaqstannyń, Astanada Ózbekstannyń saýda ortalyǵy salynýy yqtımal.

Eske salaıyq, bıyl 9 aıda Ózbekstan Qazaqstannan 2,4 mlrd dollardyń taýaryn ımporttady.