Ózbekstanda qazaqstandyq bıdaı men maı ónimderine suranys artyp keledi
TAShKENT. KAZINFORM — Ózbekstanda qazaqstandyq bıdaı men maı ónimderine degen suranys artyp keledi. Bul týraly «Asia Grains & Oils Conference in Tashkent» konferentsııasyna qatysqan qos eldiń kásipkerleri málim etti, dep habarlaıdy Kazinform agenttiginiń menshikti tilshisi.
Byltyr qyrkúıekten bıyl tamyzǵa deıin Qazaqstan Ózbekstanǵa astyq eksportyn 34,4 paıyzǵa arttyrdy. ıAǵnı, qamtylyp otyrǵan aralyqta resmı Astana Tashkentke 3,7 mln tonna ónim jetkizildi.
— Ár ózbek otbasynyń dastarhanyndaǵy nan Qazaqstannyń sapaly bıdaıynan jasalǵan. Sebebi kórshi eldiń astyǵy brendke aınaldy. Іri nan óndirýshilerden bastap úı sharýasyndaǵy áıelderge deıin sapaly ónimdi tutynady. Bıyl konferentsııaǵa Qazaqstannan 150-ge jýyq iri óndirýshi keldi. Biz olarmen kelisimder jasap, aldaǵy jumys barysyn talqylap jatyrmyz. Qazirgi ýaqytta Ózbekstanda qazaqstandyq bıdaı men maı ónimderine degen suranys artyp keledi, — dedi konferentsııany uıymdastyrýshy, ózbekstandyq astyq tasymaldaý kompanııasynyń basshysy Alısher Mahmýdov.
Іs-sharaǵa qatysqan kásipkerler Dúnıejúzilik bank júrgizgen zertteýlerdiń mańyzyna toqtalyp, soǵan saı keleshek seriktestiktiń baǵytyn anyqtaýǵa tyrysty. Máselen, 2050 jylǵa qaraı Ortalyq Azııa elderiniń maı ónimderine degen jyldyq suranysyn jabý úshin qosymsha 1 mln tonna qajet.
— Klımattyq erekshelikterge baılanysty Ózbekstan ózin maı ónimderimen qamtamasyz ete almaıdy. Tıisinshe, ımportqa táýeldi. Biz osy múmkindikti paıdalanyp, ónimderimizdi Ózbekstanǵa eksporttaımyz. Negizinen shemishke maıy men malǵa beriletin joǵary surypty qospalardy kórshiles eldiń narǵyna shyǵaramyz. Jalpy, byltyr Qazaqstan Ortalyq Azııa elderine 750 myń tonna maı ónimin satty. Aldaǵy ýaqytta bul kólemdi ulǵaıtý josparlanyp otyr, — dedi Qazaqstan maı óndirýshiler qaýymdastyǵynyń atqarýshy dırektory Andreı Antonov.
Qazaqstandyq óndirýshiler úshin taǵy bir tıimdi naryq — Aýǵanstan. Sáıkesinshe, kásipkerler bul elge bıdaı men maı ónimderiniń eksportyn arttyrý máselesin talqylap jatyr.
Eske salaıyq, alǵashqy jartyjyldyqta Qazaqstan men Ózbekstan arasyndaǵy taýar aınalymy 2,2 mlrd dollardan asty. Bul ótken jyldyń sáıkes kezeńimen salystyrǵanda 296 mln dollarǵa kóp. Qamtylyp otyrǵan kezeńde resmı Tashkent Astanaǵa 676,4 mln dollardyń taýaryn eksporttap, 1,5 mlrd dollardan astam somaǵa ónim ımporttaǵan.