Ózbekstanda qazaq dıasporasyna arnalǵan bıznes-forým ótedi
NUR-SULTAN. QazAqparat - «Otandastar qory» kommertsııalyq emes aktsıonerlik qoǵamy 2019 jyly 11 qyrkúıekte Ózbekstandaǵy qazaq dıasporasy ókilderiniń qatysýymen óńirlik bıznes-forým ótkizedi.
Bul týraly QazAqparat «Otandastar qorynyń» baspasóz qyzmetine silteme jasap habarlaıdy.
Іs-shara aıasynda Ózbekstandaǵy qandastarymen iskerlik qarym-qatynas ornatý jáne sheteldegi otandastardy biriktirýge baǵyttalǵan «Qazaq mádenı-iskerlik úıin» qurý máselesi talqylanbaq. Sonymen qatar bıznes-forýmda Qor jáne «Qazaq úıi» jobasynyń tanystyrylymy ótedi. Budan bólek, startaptardy, otandastardyń bıznes jobalary men bastamalaryn qoldaý tetikterin, sonyń ishinde olardy Qazaqstanda ilgeriletýdiń naqty joldaryn, sondaı-aq halyqaralyq naryqtarǵa shyǵý baǵytynda kómek kórsetý is-sharalaryn talqylaý josparlanǵan.
«Bıznes-forým Tashkenttet «Wyndham Tashkent qonaq úıi», «Silk Road» zalynda 11 qyrkúıekte keshke ótedi. Ózbekstandaǵy kásipker qandastarymyzdy, osynaý keleli istiń qasynan tabylýǵa shaqyramyz! Tirkeý jáne tolyq aqparatty +7 701 000 1404 WhatsApp nemese Telegram nómiri, komek@oq.gov.kz elektrondyq poshta nemese Skype arqyly júrgiziledi», - delingen baspasóz baıanynda.
