Ózbekstanda qarashadaǵy aýa temperatýrasy rekordtyq deńgeıge jetti
ASTANA. KAZINFORM — 8 qarashada Ózbekstannyń Naýaı jáne Buhara qalalarynda jańa temperatýra rekordtary ornatyldy, dep habarlaıdy Kazinform.
Ózgıdromettiń baspasóz qyzmetiniń málimeti boıynsha, 8 qarashada Buharada eń joǵary temperatýra 30,6°C boldy. Bul 1992 jyly ornatylǵan aldyńǵy rekordtan 1,1°C joǵary, ol kezde temperatýra 29,5°C-qa jetken.
Naýaıda 8 qarashadaǵy eń joǵary temperatýra 30°C boldy. Bul kórsetkish 1992 jyly ornatylǵan (28,7°C) aldyńǵy rekordtan 1,3°C joǵary.
Ótken aptada Tashkentte de jańa temperatýra rekordy ornatyldy. Sonymen qatar, 6 qarashada sol kúnniń eń joǵary temperatýrasy Tashkentte de tirkelgen bolatyn, el astanasynda synap baǵany 26,9°C-ty kórsetken. bul 1981 jyly ornatylǵan aldyńǵy 26,4°C rekordynan 0,5°C-qa asyp tústi.
Eske sala keteıik, bıylǵy tamyzda álemde birneshe temperatýralyq rekord jańardy.
Atap aıtqanda, 22 tamyzda Dúnıejúzilik muhıt temperatýrasy baqylaý tarıhyndaǵy rekordty jańartty.
