Ózbekstanda karantın jeńildetildi
TAShKENT. ÓzA-QazAqparat - Respýblıkalyq arnaıy komıssııanyń qaýlysymen búgin, 20 qyrkúıekten bastap Ózbekstanda ashyq alańdar men jabyq keshenderde is-sharalar ótkizýge ruqsat berildi, dep habarlaıdy QazAqparat ÓzA agenttigine silteme jasap.
«Arnaıy komıssııanyń kezekti otyrysynda respýblıkadaǵy karantındik talaptardy jumsartý arqyly turǵyndardyń demalys kúnderin mazmundy ótkizýge jáne mádenı-rýhanı azyq alýǵa qolaıly jaǵdaılar jasaý máselesi jan-jaqty talqylandy.
Atap aıtqanda, tıisti organdardyń usynystaryn eskere otyryp, Respýblıkalyq arnaıy komıssııanyń 2021 jyldyń 20 qyrkúıegindegi sheshimi boıynsha mádenı-saýyq sharalary (teatr, kıno, kontsert zaldary), buqaralyq sharalar men kezdesýlerdi ashyq alańdar men jabyq keshender de ótkizýge ruqsat berildi», delingen habarlamada.
Mádenı, oıyn-saýyq, buqaralyq is-sharalar men kezdesýlerdi uıymdastyrýda kelesi karantındik shekteýler saqtalady:
Mádenı oıyn-saýyq nysandarynyń (teatr, kınoteatr, kontsert zaldary) jumysshylary men qyzmetshileri jáne qoǵamdyq is-sharalardy uıymdastyrýshylar, qyzmet kórsetýshiler koronavırýstyq vaktsınanyń keminde 2 dozasyn (vaktsınanyń kez kelgeni) qabyldaǵany boıynsha QR-kodty sertıfıkaty bolýy tqajet;
Oıyn-saýyq ortalyqtaryna (teatr, kınoteatr, kontsert zaldary) kelýshiler;
medıtsınalyq maskada bolý;
antıseptıkterdi qoldaný;
nysanǵa kirý kezinde dene temperatýrasyn ólsheý sııaqty mańyzdy sanıtarlyq-gıgıenalyq erejelerdi qatań saqtaýy tıis.
Bul rette ataýly nysan aýmaǵyna (teatr, kıno, kontsert zaldary) jáne kópshilik jınalatyn is-sharalarǵa koronavırýsqa qarsy vaktsınatsııa týraly QR-kod sertıfıkaty bar kelýshilerdi ǵana (densaýlyǵy boıynsha qarsy kórsetkishteri bar azamattardy qospaǵanda) kirgizý usynyldy.
