Ózbekstanda karantın 15 maýsymǵa deıin uzartyldy
TAShKENT. QazAqparat - Ózbekstanda karantındik sharalar 15 maýsymǵa deıin uzartyldy, dep habarlaıdy QazAqparattyń menshikti tilshisi.
Mundaı sheshimdi koronavırýspen kúres jónindegi arnaıy komıssııa shyǵardy. Alaıda Ózbekstanda buǵan qaramastan 1 maýsymnan bastap keıbir qyzmet túrlerine shekteýler alynyp tastalmaq.
Eldegi «qyzyl deńgeıli» óńirlerde rıeltorlik jáne jarnama, marketıngtik qyzmetterge ruqsat berildi.
Al «sary» deńgeıli óńirlerde tamaqtanatyn oryndardyń jumysyna ruqat etildi.
«Jasyl» deńgeıli óńirlerde barlyq qyzmet túrlerine jumys jasaýyna múmkindik berildi. Sondaı-aq, bul óńirderde 30 adamnyń qatysýymen toı jasaýǵa ruqsat bar.
Aıta ketsek, 5 maýsymnan bastap Ózbekstannyń kásibı fýtbol lıgasy oıyndaryn bastaıdy, alaıda matchtar kórermensiz ótkiziledi.
Eske salsaq, Ózbekstan koronavırýspen tıimdi kúres júrgizý úshin elde «jasyl», «sary», «qyzyl» deńgeıler engizgeni týraly buǵan deıin habarlaǵan bolatynbyz.
