Ózbekstanda karantın 1 maýsymǵa deıin uzartyldy
TAShKENT. QazAqparat – Ózbekstanda karantın 1 maýsymǵa deıin uzartyldy. Biraq birqatar shekteý sharalary alynyp tastaldy, dep habarlaıdy QazAqparat menshikti tilshisi.
Karantındi uzartý týraly sheshimdi arnaıy respýblıkalyq komıssııa eldegi naýqastar sanynyń ósý qaýpin eskere otyryp qabyldady.
Sondaı-aq, Ózbekstan 18 mamyrdan bastap el ishinde áýe jáne temir jol qatynastarynyń ishinara jandanýyna ruqsat berdi.
Atap aıtqanda Tashkentten Núkiske, Úrgenishke, Termezge jáne keri baǵytqa ushatyn áýe reısteri qaıta jandanbaq. Sonymen qatar, Afrosiyob poıyzdary Tashkentten Navoıǵa, Buharaǵa jáne Qarshıǵa, al júrdek poıyzdar Ferǵana alqabyna (Ferǵana, Andıjan jáne Namanǵan oblystary) jáne keri baǵytqa qatynaı bastaıdy.
Sondaı-aq, respýblıka óńirleriniń qyzyl, sary jáne jasyl deńgeılerge bólinýine baılanysty halyqqa qyzmet kórsetetin shaǵyn jáne orta bıznestiń keıbir túrleri, saıabaqtar, sport stadıondary men murajaılar ashylady.
