Ózbekstanda qaraqshylyq jasaǵan sheteldikter el aýmaǵynda ustaldy — ІІM

ASTANA. KAZINFORM — Shymkent pen Atyraý áýejaılarynda krımınaldyq polıtsııa qyzmetkerleri Ózbekstan aýmaǵynda qaraqshylyq shabýyl jasaǵany úshin izdeýde júrgen úsh Túrkııa azamatyn ustady

Polisia.kz málim etkendeı, Tashkentte er adamdar betperde taǵyp, bóten bireýdiń kóligin basyp alýǵa tyrysqan. Alaıda jábirlenýshilerdiń belsendi qarsylyǵynyń arqasynda shabýyldaýshylar ózderiniń qylmystyq josparyn júzege asyra almaǵan. Osylaısha olar oqıǵa ornynan izin sýytqan.

— Qaraqshylyq jasalǵannan keıin, izdeýge jarııalanbastan buryn qaskóılerdiń ekeýi Atyraý oblysynda, al úshinshisi Qazaqstannyń ońtústiginde jasyrynǵan. Jedel is-sharalardyń nátıjesinde úsh kúdikti de ustalyp, ýaqytsha ustaý ızolıatorlaryna qamaýǵa alyndy, — delingen habarlamada.

Bul rette Quqyq qorǵaý organdarynyń jedeldigi, úılesimdi jumysy jáne tsıfrlyq sheshimderdiń múmkindikteri óz tıimdiligin kórsetti.

Osyǵan deıin bes jyldan beri jasyrynyp júrgen qylmysker Grýzııadan ekstradıtsııalanǵanyn jazdyq.