Ózbekstanda qamaýǵa alynǵan Qazaqstan azamaty E.Qosmaǵambetovtyń soty bastaldy
TAShKENT. 9 shilde. QazAqparat - Ózbekstanda qamaýǵa alynǵan QR azamaty Ermek Qosmaǵambetovtyń soty bastaldy, dep habarlady Qazaqstannyń Ózbekstan Respýblıkasyndaǵy Elshiliginen.
Esterińizge sala keteıik, Qazaqstannyń 27 jasar turǵyny E.Qosmaǵambetov Ózbekstanǵa dinı ekstremızmdi nasıhattaıtyn beınematerıaldardy alyp kirý kontrabandasy boıynsha aıyptalýda. Ózbektiń tártip saqshylary onyń noýtbýginde dinı mazmundaǵy fılmderdi tapty. E.Qosmaǵambetov noýtbýktyń ishinde mundaı fılmderdiń bar ekenin bilmegenin, keterde ony apasynan alyp, kompıýterdi tek fotosýretterdi qaraý úshin paıdalanbaqshy bolǵanyn aıtýda.
2012 jyldyń 4 shildesinde ÓR-nyń Tashkent oblysyndaǵy Kıbraıaýdandyq qylmystyq ister boıynsha sotynda Qazaqstan Respýblıkasynyń ustalǵan azamatyna qatysty sot protsesi bastaldy. Onyń qorǵaýshysy J.Mahqamov.
Sot protsesi ózbek tilinde júrgizilýde. Bul rette, QR-nyń qamaýǵa alynǵan azamatyna tıisti dıplomdalǵan statýsy bar K.Jabbarov esimdi aýdarmashy usynylǵan.
Sot otyrysy tanystyrý sıpatynda 10 mınýt ótkendigin atap ótý kerek. ıAǵnı sot protsesiniń bastalǵandyǵy jarııalandy. Kezekti sot otyrysy 2012 jyldyń 11 shildesinde ótedi. Oǵan QR Elshiliginiń atynan konsýl qatysty.
