Ózbekstanda «Jump Rope» sport federatsııasy quryldy

TAShKENT. KAZINFORM - Tashkenttegi «Olımpıada jáne paralımpıada dańqy» mýzeıinde Ózbekstannyń «Jump Rope» federatsııasynyń quryltaı jınalysy ótti, dep habarlaıdy Kazinform agenttigi ÓzA-ǵa silteme jasap.

Sport mınıstrligi, Tashkent qalasy ákimshiligi jáne osy sport oıynynyń bastamashylary qatysqan jıynda Ózbekstanda salaýatty ómir salty qaǵıdattaryna kóńil bólinip jatqany aıtyldy. Atap aıtqanda, halyq arasynda «Jump Rope» sportyn odan ári tanymal etý máseleleri talqylandy.

Aıta ketý kerek, «Jump Rope» ıaǵnı, arqanmen sekirý 2021 jyldan bastap halyqaralyq arenada damyp kele jatqan jańa sport túri.

Jıynda arqanmen sekirý («Jump Rope») sportyn halyq arasynda keńinen nasıhattaýǵa múmkindikter bar ekeni aıtylyp, bul balabaqsha, mektep, aýdanda jastardyń súıip aınalysatyn sport túri ekenine nazar aýdaryldy.

Jıynda delegattardyń usynysy boıynsha Ózbekstannyń «Jump Rope» federatsııasynyń tóraǵasy bolyp Tashkent qalasy ákiminiń jastar saıasaty, áleýmettik damý jáne rýhanı-aǵartý máseleleri jónindegi orynbasary Dýrdona Rahımova saılandy.

Eske sala keteıik, Ózbekstandyq fýtbolshy Hýsanov Manchester-Sıtıde oınaýy múmkin.