Ózbekstanda izdeý jarııalanǵan qylmysker elordada ustaldy
NUR-SULTAN. QazAqparat – Nur-Sultan qalasynyń aýmaǵynda jasalǵan 80 qylmystyń beti eki kúnde ashyldy, dep habarlaıdy QazAqparat tilshisi.
29 shilde men 4 tamyz aralyǵynda elordada «Quqyqtyq tártip» jedel-aldyn alý sharasy ótýde. Qalalyq polıtsııa departamentiniń málimetine sensek, alǵashqy eki kúnde tártip saqshylary 80 qylmystyń betin ashqan. Onyń 28-i buryn jasalǵandar, 52-si boıynsha qylmyskerler izi sýymaı ustalǵan.
«Máselen, polıtsııa qyzmetkerleri áıelderdi tonaǵan qala turǵynyn ustady. Kúdikti ýaqytsha ustaý ızolıatorynda otyr. Odan aıǵaqtyq zattar tárkilendi. Sotqa deıingi tergeý júrgizilýde. Kúdiktiniń qala aýmaǵynda jasalǵan uqsas qylmystarǵa qatystylyǵy tekserilip jatyr», - delingen departament dereginde.
Jalpy, shara bastalǵaly Nur-Sultan qalasyndaǵy ýaqytsha ustaý ızolıatoryna 11 qylmysker jetkizilgen.
«Taǵy 12 adamdy qamaýǵa alý týraly sot sanktsııasy bar. Sondaı-aq, habar-osharsyz ketken 4 adamnyń ornalasqan jeri anyqtaldy. Alaıaqtyq jáne urlyq jasaǵan 5 adam ustaldy. Onyń birine Ózbekstan Respýblıkasynda izdeý jarııalanǵan bolatyn», - delingen aqparatta.
