Ózbekstanda iri kólemde esirtki joıyldy
TAShKENT. QazAqparat - Ózbekstannyń Ulttyq qaýipsizdik qyzmeti Tashkenttiń ónerkásiptik zaýyttarynyń birinde 1 tonna 922 keli esirtki partııasyn joıdy, dep habarlady Ózbekstandaǵy «QazAqparat» HAA tilshisi.
Esirtkini baqylaý aqparattyq-taldaý ortalyǵynyń derekterine sáıkes quqyq qorǵaý organdary 2016 jyly zańsyz esirtki aınalymyna baılanysty 6 646 qylmys faktisin anyqtady. Onyń 2 798-i - esirtki satý, 645-i - kontrabanda, 1 482-si - esirtki ósimdikterin zańsyz ósirý, 145-i - esirtki prıtondaryn ustaý, 1 576-sy - basqa da esirtki qylmystary.
Ótken jyly respýblıka boıynsha barlyǵy 3 tonnadan astam esirtki, onyń 107,8 kelisi - geroın, gashısh - 241,2 keli, marıhýana - 883,2 keli, kóknár - 862,8 keli, sondaı-aq psıhotroptyq zattar tárkilendi.
ÓR UQQ derekterine sáıkes esirtki elge negizinen Tájikstan, Qyrǵyzstan, jáne Ámýdarııa ózeni, Aýǵanstannan tikeleı Sýrhandarııa oblysyna, ońtústik-shyǵysta - Samarqand, Syrdarııa oblysyna, soltústik-shyǵysta - Ferǵana ańǵaryna ótedi.
Ózbekstan aýmaǵynda esirtkiniń zańsyz aınalymyna baılanysty qylmys jasaǵany úshin shetel memleketiniń 110 azamaty ustaldy.
